جريدة صقر الامة الاخبارية
⬅️ ألمانيا طلعت تصريح رسمي إمبارح وقالت فيه شوفوا أنا معاكوا فكل حاجة إلا إنكوا تفرضوا عقوبات على إمدادت الطاقة من روسيا والخلاصة هيه آه أنا احبك أحبك بس مش أكتر من نفسي.
⬅️ فرنسا ماكرون رئيس فرنسا إتصل ببوتين إمبارح الصبح و قاله صباح الخير يا دوب مش كفاية كدا ولا لازم نوريك العين الحمره ونفرض حزمه عقوبات دوليه وامدادات عسكريه ،، ولحد دلوقتي محدش عارف بوتين رد عليه وقاله إيه ف بالتليفون ،، بس ماكرون طلع وصرح وقال إحنا لسه مشوفناش حااجه والأيام اللي جاية هتكون سودة على دماغنا ودماغ اللي جابنا وأوكرانيا لسة هتشوف الأسوء ف تاريخها.
⬅️ كوريا الشمالية كيم جونج اون رئيس كوريا الشمالية إمبارح أعلن ف التلفزيون الرسمي التعبئة العامة للجيش الكوري هو محدش طلب منه حاجة أصلا بس هيه طلبت معاه كده.
⬅️ الصين بقه فوسط زحمة الأحداث بتتحرك ببطئ شديد زي الشبح وفي هدوء تام حركت كل أساطيلها البحرية وبقت فوضع الهجوم وطبعا حاصرت تايوان بس من بعيد لبعيد.
⬅️ روسيا لافاروف وزير خارجية روسيا طلع وقال أمننا القومي قبل اي حاجة واللي هيبصلنا بعينه هنخزقهالة و مجبناش سيرة حرب عالمية تالتة دا بايدن هو اللي بيقول
بس لو أمريكا فكرت مجرد تفكير او اي حد يدخل ف حرب مع روسيا قبل ما هيفكر اصلا مش هيكون ليه وجود ف الكوكب.
???? وقال كمان كل المرتزقة اللي ف اوكرانيا مش هيتعاملوا معاملة أسرى الحرب ومحدش يكلمنا عنهم ولا يسال أنته جيت دي بتعتك لكن تخرج منها دي بتعتنا ومحدش يلومني ولا يعتب عليا.
???? نقل الرئيس أوكرانيا الكمبرس المنتخب أنباء مؤكده أنه خلع علي بولندا من قبل القوات الخاصة الأمريكية على متن مروحية بلاك هوك تابعة للقوات الجوية الأمريكية وخدلي بالك معايه اصله رئيس مدني وممثل هزلي وابن اليهود بقه.
✌????وكلمتين لوجه الله والتذكره من الاخر الدب الروسي لن يترك اوكرانيا الا بتنصيب عسكرى وان يكون موالي لها ويتبعها وكمان طلب تاني وهو وزياده مساحه الدولتين المنفصلين عن اوكرانيا وهم ( دونيستك و لوغانسك ) ونكرر ذياده مساحتها.
⬅️ أمريكا خلي بالك من مصلحة روسيا العظمى ان الحرب تطول وكل ما هتطول كل ما البترول هيرفع وكل دولار فوق ال٧٠ من سعر برميل البترول إقتصاد امريكا وأوروبا بينهار حرفيا بالبلدي كده روسيا بتموت أمريكا بالبطئ وبتقولها إستريحي وارقدي في سلام.
???? يسكت بايدن على اللي بيحصل ده أبدا ؟
وطلع يهلفط بكلام محدش فاهم هو بيقول إيه ولا فين
بس نانسي بيلوسي رئيسة الكونجرس كانت بتسقفلة جدا وفرحانه اصل زتهم ف دقيقهم وكل إدارتة شمال والدنيا خربانة وأمريكا وللتذكره فقط كلاكات سادس مره امريكا هتنهار عن قريب هي ومن خلف والعدو الازلي عن قريب.
⬅️ إثيوبيا
هوه العالم كله هيتقلب وهتحصل أحداث ضخمة جدا الفترة اللي جاية هتهز الكوكب هيكون أتفهها هو ضرب السد عرفت انك ف الحرب لازم تحدد الوقت والمكان المناسب.
⬅️ ومن كوكب تحيا مصر زودت تعريفة العبور ف قناة السويس اه يا عم حرب وبنستغلها وسفن غاز رايحة وسفن بترول جاية وليلة كبيرة سعادتك.
???? كمان وزارة السياحة طلعت قرار ان اي سائح أوكراني كان موجود ف مصر قبل ما تحصل الحرب ف هو ضيف على مصر وإقامتة مستمرة لحد ما تنتهي الحرب طب مصر فيها كام سايح أوكراني ؟؟ مصر فيها عشرين الف سايح اوكراني.
حفظ الله الوطن برا وبحرا وجوا وسدد الله خطي القائمين عليها وبطانتهم الصالحه لما فيه الخير كله للبلاد والعباد والأرض والعرض اللهم امين يارب العالمين.
