جريدة صقر الامة الاخبارية
الإخوان في حالة من الجنان والأمراض النفسية والعصبية ..
كل يوم تخرج منهم تويته بها نوع الهستريا
في خبر منتشر بيردده الإخوان واعلامهم عن زيارة
السيد محمود ابن الرئيس لإسرائيل
لما دورنا الخبر طالع من واحد اسرائيلي اسمه ايدي كوهين .
ايدي كوهين ده اعلامي وصحفي اسرئيلي لكنه بيشتغل لصالح قطر رقم واحد وبيشتغل بالأجرة
كده لكام جهاز مخابرات لما يحبوا يطلعوا إشاعة يكون ليها مصدر إسرائيلي
، لكن ايدي كوهين لا هوه مسؤول ولا ذو حيثية ولا له اي اعتبار في اسرائيل نفسها اصلاً ،
ولما تتابع تصريحاته هتلاقيه حاجة شبه نشأت مدعي النبوة بتاع لبنان
واحد بيقعد يتوقع ويتنبأ ويفتي في أي حاجة ويقعد يقول انا عندي اسرار وعارف المستقبل وكلام هري ،
لكن الجز.يرة والحر.ة والقنوات العميلة دي عملته نجم وبقت بتستضيفه على طول .
الاخوان اخدوا التوتية بتاعة ايدي كوهين دي وقاموا حاطين التاتش بتاعهم عليها ، قالوا سافر مع حفتر ليبيا على طيارة من مصر للاردن ثم على قبرص ثم على تل ا.بيب .
قالوا عشان التموي
هو السيد محمود كان مسافر اسرائيل يعمل ايه ؟
وهنا انقسم الإخوان لقسمين .. قسم قال كان رايح يخلص صفقة اجهزة تجسس
، والقسم التاني قال كان رايح يبحث عن تأييد ودعم إسرا.ئيلي للرئيس السيسي بعد ما بقى لوحده وملوش حلفاء دوليين ولا عنده شعبية داخلية
الاخوان عندهم حالة سعار على الموضوع ده وكلهم عملوا حملة وفيديوهات وتسريبات واللحق يا جدع وشوف الفضيحة
اين الحقيقة ؟
اولاً السيد محمود السيسي ظابط المخابرات العامة المصرية ملوش أي علاقة بملف إسرائيل في الجهاز
، والجهاز ده تخصصات
ثانيا السيد محمود شخص مجهول تماماً ، لا حد معاه صورته ولا يعرف شكله ولا سمع صوته ولا عرف طريقه تفكيره ولا حد يعرف اي معلومة عنه
، وده بحكم طبيعة شغله كظابط مخابرات .
فلما نحب نبعت حد في زيارة رسمية أو سرية حتى لإسرائيل هنبعتلهم اكتر واحد نفسهم يعرفوا عنه أي معلومة ؟!
طب ما نبعت اي ظابط من الظباط المعروفين ،او نبعت وزير الخارجية ولا أي مسؤول
ثالثا السيد محمود السيسي وهو مقدم
وليس لواء زي ما بيقولوا
المقدم محمود ليس له اي علاقة بأي نشاط سياسي في البلد لا من بعيد ولا من قريب، هو ظابط زيه زي باقي زمايله تماماً
، ملوش اي امتيازات ولا بيتدخل في تخصص غير تخصصه ولا بيخالف قوانين الجهاز الصارمة
، هو ظابط شاطر ومتميز ، لكنه منضبط جدا وملتزم تماماً بحدود وظيفته .
ثم ايه علاقة حفتر بالسيد محمود يتقابلوا في اسرئيل يعني مؤلف السيناريو غبي كالعادة يعني .
وبعدين صفقة اجهزة تجسس ايه اللي السيد محمود رايح يخلصها ، ودعم وتأييد ايه اللي الرئيس محتاجه
اي هري بيتقال عشان يحاولوا يخوفوا الناس من سيناريو جمال مبارك ، مع ان شتااااان الفرق بين السيد محمود السيسي وبين جمال مبارك ، السيد محمود ده راجل مقاتل وطني بيخدم وطنه في صمت تام
،لكن بيتم استغلال اسمه عشان يهاجموا الرئيس من ناحية و من السيد محمود نفسه من ناحية تانية
الخلاصة ان مفيش لا زيارة تمت ولا السيد محمود سافر اصلا ولا فيه حفتر ولا طيارة ولا الهري ده كله
، دي بس ٢٥ يناير قربت بيحاولوا يسخنوا الناس بأي هرية جديدة .. وكل هرية وانتم طيبين
